دەروازە:ھونەرەکان

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان

دەروازەی ھونەرەکان

ھونەر چییە؟

مۆسیقا و وێنەکێشان دوو کرداری ھونەرین

ھونەر یەکێکە لە مەودا جیاوازەکانی چالاکییەکان کە مرۆڤ ھەڵدەستێت بە ئەنجامدانی، چالاکییە ھونەرییەکان دروستکردنی ھونەری سۆمایی، دەنگی و نمایشی دەگرێتەوە، کە ڕێگەیەکە بۆ ئەوەی نووسەر ئەندێشەکانی خۆی دەرببڕێت و بیرۆکەکانی خۆی ڕوونبکاتەوە، یانیش نمایشی تواناکانی بکات. زۆربەی کات کارە ھونەرییەکان دروست دەکرێن بە نیازی پێزانین بەو جوانی و ھەستە سۆزییە بەھێزانەی کە دەیبەخشن. بە گشتی ئەم چالاکییانە پێکھاتوون لە: بەرھەمھێنانی کاری ھونەری، ڕەخنەگرتن لە ھونەر، لێکۆڵینەوە لە مێژووی ھونەر لەگەڵ بڵاوكردنەوەى جوانى ھونەر.

کۆنترین جۆرەکانی ھونەر پێکھاتووە لە ھونەری سۆمایی یاخود ھونەرە بینراوەکان، کە پێکھاتووە لە کێشان و دروستکردنی وێنە و شتومەک لەسەر شتێکی دیاریکراو. لە ھونەرە سۆماییەکان وەک: کێشانی تابلۆ، پەیکەرسازی، فۆتۆگرافی و میدیای بینراوی تر. تەلارسازییش زۆربەیجار وەک ھونەرێکی سۆمایی ناو دەبرێت، بەڵام بەھەرحاڵ، وەک ھونەرێکی بینراویی بۆ دێکۆر و ڕێکلامکردن ناو دەبرێت، بە ھۆی ئەوەی ئەو کەرەستانەی لە ماوەی بەرھەمھێنانیدا بەکاردێت سەرەکی و گرنگە. بە پێچەوانەی تابلۆیەکەوە بۆ نموونە، کە ھونەرمەند تەنھا شتێکی تێدا بەکاردێنێت کە ئارەزووی لێی ھەبێت و بەباشی بزانێت.

زیاتر لەبارەی ھونەرەوە...

وتاری ھەڵبژێردراو

Chopin, by Wodzinska.JPG

فرێدریک فرانسوا شۆپان (لەدایکبووی ١ ی ئازاری ١٨١٠ - ١٧ی تشرینی یەکەمی ١٨٤٩)، ئاوازدانەر، ھونەرمەندی داھێنەر و پیانۆژەن ی گەورەی پۆڵەندی بوو، یەکێک بوو لە گەورە مامۆستایانی مۆزیکی رۆمانتیک. شۆپان لە ١ی ئازاری ١٨١٠ لە گوندی "زیڵا زوفا فۆلا" لە دۆکی ئۆف وارسۆ لە باوکێکی فەرەنسی- کۆچکردو و دایکێکی پۆڵەندی لەدایکبووە، و بە منداڵی سەرسورھێنەر دادەنرا (بەکوردی باو: منداڵێکی موعجیزە) لە پیانۆژەنیندا، لە ٢ ی تشرینی دووەمی ١٨٢٢ دا و لەتەمەنی ١٢ ساڵیدا، وارساوی بەجێھێشت بۆ نەمسا، پاشان بە نیازی گواستنەوە بوو بۆ ئیتاڵیا، سەرھەڵدانی شۆڕشی پۆڵەندا پاش ٧ رۆژ دوای ئەوە، و دامرکاندنەوەی لەلایەن ڕووسیاوە، وای کرد کە شۆپان یەکێک بێت لە ھەزاران کۆچکردووی پۆڵەندی، ناسراو بە "کۆچی گەورە". لە پاریس، شۆپان وایکرد کە ژیانێکی ئارامتر و خۆشتری ھەبێت ھەم وەک ئاوازدانەر، ھەم وەک مامۆستای پیانۆ، ھەروەھا نمایشی گشتیشی دەکرد.

زیاتر...

وێنەی ھەڵبژێردراو

Vista interior del museo de Orsay.jpg
بەشی ناوەوەی مۆزەخانەی ئۆرسەی

ئایا زانیوتە؟

  • پەروەردەی ھونەرەکان و مۆسیقا دوو پڕۆگرامی پەروەردەیی سەرەکین لەو وڵاتانەی بەردەوام بەرزترین ژمارەی تاقیکردنەوەیان ھەیە لە بیرکاری و زانست، وەک ژاپۆن، ھەنگاریا و ھۆڵەندا
  • تێچوونی فیدراڵی ھونەرەکان بۆ بەردەوامی نزیکەی تەنھا ٢٥٢ ملیۆن دۆلاری ئەمریکییە لە ساڵێکدا، لەکاتێکدا دامەزراوەی نەتەوەیی زانست ٥ ملیار دۆلاری تێدەچێت لە ساڵێکدا
  • لێکۆڵینەوەیەک نیشانی دەدات کە مۆسیقا نەک ھەر یارمەتی دەدات لە فێربوونی بیرکاری و خوێندنەوە، بەڵکو ئارەزووی داھێنان زیاد دەکات، پەیوەندی کۆمەڵایەتی بەھێز دەکات، کەسایەتی ڕێک دەخات و وا لە کەسەکان دەکات کە نرخی خۆیان بزانن
  • فەرھەنگی ئینگلیزیی ئۆکسفۆرد دوانزە پێناسەی داناوە بۆ وشەی ھونەر

لەم مانگەدا

ژياننامەی ھەڵبژێردراو

Hayao Miyazaki.jpg

ھایاو میازاکی دەرھێنەرێکی سەرکەوتووی ئەنیمەیشنی ژاپۆنییە کە بە (ئەنیمی) ناسراوە. لە ڕۆژی٥ کانوونی دووەمی ساڵی ١٩٤١ لە تۆکیۆ پایتەختی وڵاتی ژاپۆن ھاتۆتە دنیاوە. لەساڵی ١٩٤٤ بەھۆی شەڕی نێوان ئەمریکا و ژاپۆن دەچنە شارۆچکەی کانۆما واتە بەشێکی ژیانی لەنێو شەڕدا بووە. ھەر لەبەر ئەمەش کاردانەوەیەکی تەواوی لە بەرھەمەکانیدا ھەیە. لەساڵی ١٩٦٣ لەزانکۆی گاکوشاین بەشی ئابوری و زانستی سیاسی تەواو دەکات، بەڵام لەگەڵ ئەو بەشەشدا جارو بار لەکاتی پشووەکاندا سەردانی کۆلێجی ئەدەبیاتی منداڵان دەکات و حەزێکی زۆری بۆ ئەو بەشە دەبێت. لە ساڵی ١٩٦١ بۆتە ئەندام لە کۆمپانیای تۆئی تۆوگا و پاشان چەند کۆمپانییایەکی تر دەگۆڕیت و لەیەکەم بەرھەمی ئەنیمیدا وەک دەرھێنەرو وێنەکێش و نوسەر بەشداری دەکات ناوبانگێکی تەواو لەسەدەکانی پێشوودا و تائێستەش بۆ خۆی مسۆگەر دەکات ، کە ئەویش (کۆنان کوڕەکەی دواڕۆژ) کە بە (عەدنان و لینا ) ناسراوە لەساڵی ١٩٧٨ بەرھەمدەھێنێت. لە دواترا لە لایەن چەند کۆمپانییایەکی زەبەلاحی جیھانییەوە گرێبەستی لەگەڵدا دەکرێت وەک کۆمپانیای واڵت دیزنی پیکچەرز و وارنەر برۆس. پاشان بە ھاوکاری چەند ھاوڕێیەکی ستۆدیۆیەکی تایبەت بە بواری ئەنیمی لە تۆکیۆ دادەمەزرێنن بە ناوی ( ستۆدیۆ گێبڵی) کە ساڵانە یەک بەرھەمی فیلمی ئەنیمی بەرھەمدەھێنن و بۆ زۆرێک لە زمانەکانی جیھان وەردەگێڕدرێن و خەڵاتی جیھانییان پێدەبەخشرێت.

زیاتر...

دەنگی ھەڵبژێردراو

ئامێریی بەناوبانگترین گۆرانی ١٩٢١. دواتر بەکارھێنراوە وەک پشتینەگۆرانی بۆ سەرۆککۆمار ھاری ترومان.

پۆلەکان

ویکیپرۆژەکان

وتەی ھەڵبژێردراو

Henry Ward Beecher - Brady-Handy.jpg
دەروازە:ھونەرەکان ھەموو ھونەرمەندێک فڵچەکەی دەخاتە ناو گیان(ڕۆحی)خۆیەوە و سروشتی خۆی دەکێشێتە ناو وێنەکانییەوە دەروازە:ھونەرەکان

—ھێنری وارد

دەروازە پەیوەندیدارەکان

ئەو کارانەی دەتوانیت بیانکەیت

Nuvola apps korganizer.svg



پڕۆژەکانی تری ویکیپیدیا

خانەخوێی ویکیپیدیا دامەزراوەی ویکیمیدیایە کە چەند پرۆژەی تریش بەڕێوە دەبات:
کۆمنز
ئەمباری ویکیمیدیا
ویکیدراوە
بنکەی زانیارییەکان
ویکیوتە
کۆگای وتەکان
ویکیفەرھەنگ
فەرھەنگی ئازاد
میدیاویکی
پەرەپێدانی نەرمامێر
مێتاویکی
ڕێکخستنی پرۆژەکان
ویکیسەرچاوە
بەڵگەنامەکان
ویکیپەرتووک
پەرتووکی خۆڕایی
ویکیگەشت
ڕێنوێنی گەشت
ویکیھەواڵ
ھەواڵەکان
ویکیزانکۆ
کەرەستەکانی فێرکاری
ویکیجۆر
ژینناسی

دەروازەکان